Anca sto ano un vero suceso, el dieze de marso ghemo fato el proceso!
Par Breda de Piave e ze na bea ocasion,
come ogni ano ghe ze sta tradission.
E co tute e robe sucese ghe saria da far fogo,
ma noialtri a nostra ROGNOSA PESSONA mandemo al rogo.
Ghemo parlà de tasse, de poitici e dee so vite
sensa che nesuni ciapasse a congiuntivite.
Ma anca l’aministrasion gà vuo a so parte
e gnanca i preti gavemo assà in disparte.
Del nostro bel paese gavemo fato na fotografia
ridendo e schersando anca su l’ovovia.
Ma visto che ze finio el tempo dei sondaggi
sarìa ben presentarli sti quatro personaggi.
Visto che a Breda no gavemo i carabinieri
Se semo munii de do bei USCERI (Franco&Franco).
Co tuta che a luce che ghe jera
Ga fato el so ingreso anca a CANCELIERA (Silvia).
Ma ghe jera anca uno che nol voeva nesuna scusa
el ze, pa forsa, l’avocato dea ACUSA (Luca).
Ma na bea maestra no a ze rivada aea resa
proprio brava l’avocata dea difesa (Sara).
E nonostante a fosse tuta trucada
Anca a VECIA a ga fato a so comparsada. (el nome dea vecia no podemo dirlo, me dispiaze!)
E infine ze rivà el paron dea legge
el GIUDICE che tuto el proceso regge. (Stefano)
Ringrassiemo davero tuti i presenti
E riproponemo e paroe del giudice par quei che jera asenti.
Ghe se zente che se lamenta col mondo
e i speta che a luna a gapia fato el tondo...
no voria n’dar tanto distante e me fermo in tel nostro paese:
cari poitici vardè ben a vostre spese!
Vorie ricordarghe un pensiero grando come un deo
che me dizeva me pare quando iero puteo:
"A carità se a fa co queo che te te cavi ti
no co i schei dea popoeassion che te ga in pi"
In internet se se dize e robe vardando na teeviziòn
ma troveremo el tempo anca de scoltarse da drio un goto de vin bon
Se a volte stemo serai in casa sensa far gnente
vinzemo a pigrissia e moemose fra a zente.
A na vecia ogni ano ghe demo a colpa
a ze na tradission che no voemo che a vegna tolta:
se a ga fato colcossa mai lo savaremo
ma desso e nostre colpe noaltri ghe demo.
Se parla de ingiustissie che ze capitae so a nostra testa
e dovemoghe pur far a festa.
De meta' Quaresema de dar un giudissio e mi ga messo
mi, un giudice de na sera mai incompatibie e gnanca fesso.
Me sento investio de na gran responabilita'
dover giudicar che a pora vecia la’...
e dato che a ze na roba seria e non un zogo
mi sta vecia a condanno al fogo!!!
Anca st’ano co na sc’ianta de fadiga se vemo dato da fare
vemo mes su sta comedia popoeare...
e se ve vemo fatto pasar na serata in alegria
el merito nol ze mio ma de sta compagnia!
Nessun commento:
Posta un commento